Nda tau nie...

Like nothing... ahaks.... nda tau apa yang sia mo tulis ni kali... well better sia tulis tentang preparation sia untuk second round Singing Contest on dis saturday. Hmmm akculi, sia akan nyanyi dua buah lagu. Satu lagu George Lian - Oomis Nosili Topoit dan lagu lama Roger Alum - Dandi Au Notuhuk. Akculi lagu George Lian ni kira first time sia bawa masa first round. Sia decide untuk bawa ni lagu pun 2 hari sebelum hari pertandingan. So mimang buli kana imagine lah amacam sia punya persediaan. Tatap kelam kabut. Tepaksa lah tidur sampai pukul dua pagi hanya mo dengar betul² lagu tu. Sudah tu kena cari "kEY" yg ngam pakai gitar lai. Mula² kod sia cari D. sia ingat ngam, tgk² low masi... Paksa naik lai satu key, pigi E. Sudah tu, kena tukar cara nyanyian, supaya tidak terlalu sama dengan cara George Lian. Problem dia ni lagu, ada beberapa sebutan yang laju dan mimang nda buli kana ubah... so sia decide kasih panjang yang di ujung² ja. Ahaks. Kalau George Lian dingar, katawa kali dia tu. Yang second Song mimang sia pernah bawa dulu di sugandoi peringkat kampung. And sia dapat numbur tiga. lagu ni teda risk. Sebab dia lagu lama dan urang pun jarang dengar. Cuma yang buat ni lagu ada susah ialah... kebanyakan ujung dia panjang... so itu key senang lari. Kalau lai stamina nda cukup... mimang sumbeng punya.
So after beberapa kali cuba nyanyi tu lagu, sia rasa sia masih belum dapat nyanyi dengan baik. Banyak lai yang sia perlu perbaiki. Especialy dari segi vokal. Maybe i was not born as a singer. Eventhough bapa sia adalah singer. Hoh. Darah seni bapa sia nda banyak kali dalam badan sia nie. Maybe sia cuma bleh cipta lagu ja. Sebab i like composing song. Ahaks... at the moment sia uda ada enam lagu (dalam bahasa Kadus) yang sia cipta. Tapi nda tau sepa mo bagi. Mo nyanyi sindri... suara blum power... mmo kasih urang sayang pla... adeh.
Apart from dis saturday, next week ada satu lai competition yang sia ikut dan ini sia uda masuk final. Lagu di sini sia bawa jauh berbeza dengan lagu yang sia akan bawa dis saturday. Lagu Fhilix Don - Noumbalan Ku Noh. Rentak sumazau. dis is the first time sia bawa lagu Fhilix Don Live dan first time juga sia bawa lagu rancak!!!! Problem dia kalau bawa lagu rancak, sia nda buli menari sambil menyanyi. Tulah sia brabis tinguk AF punya diari, supaya bleh curi idea... wakakakakaka... But apapun sia akan cuba jugak lah...

Bookmark the permalink.

3 Responses to Nda tau nie...

ciaoflocy said...

kasi record tu nyanyian ko baa... trus kasi masuk sini... :-D

Markie Marc said...

yai malu sia 4C. bagus kalau bagus tu suara... ujan kali... banjir di sana... kotoh... wakakakakaka

ciaoflocy said...

alaaa.... ko pun panggil sia 4C suda ka? capat ba bajangkit.. hehe... sia prefer kalau org panggil sia 'FLOCY' baa... anyway.. good luck ahh... kasi taruh gambar2 ko masa manyanyi... dan kasi list down lai tu contestants semua... manatau ada sodara sia yg join... :D