Tetamu tidak diundang di kandang ayam sia...

Siuk-siuk sia mo cuba tidur (sampai tidak tereply sms si Davelynn a.k.a sumandak), sia tebangun. Mingkulakak tu ayam sana reban. Satu baris, macam hutil jak tu kandang ayam. Yang bising tu yang paling ujung. Sooono. Dei, sia bangun lah... bila sia tinguk, lumpat-lumpat macam tu gila. Sia kasih biarlah. yalah mungkin tikus kah, kucing kah or anjing kah, pigi kacau-kacau tu kandang.

5 Minit selepas itu, bising lai... mingkulakak lai. ni kali tu ayam jantan dan bini dia (mangkali). Adeh... kanapa lah kamu bising? Jam dua pagi sudah nie...?, siua bilang. Bilik sia menghadap kandang ayam bah. Tidak lah dakat betul. Maradang dengan tu ayam bising, sia kluar, ambil torch light pigi suluh. Mula-mula sia suluh dalam rumah, tapi nda nampak apakah. Sia nda puas ati, sia keluar dari rumah. Pigang kayu, manatau ada pencuri kah, perugul kah, peliwat kah. tu nda di undang jugak tu. Sia pigi dakat tu kandang ayam (Room No. 1), sia suluh... Adeh.. apa di dalam? Lopung gia! Sudah lah sia mamai-mamai, tuyu-tuyu lai tu. Sia pigi kasih bangun aki sia. Abis ayam dia juga bah.

Kami nda tau apa mo buat dengan tu lopung. Mo kasih mati di dalam, susah jugak. mo tarik keluar, sepa lah berani. Aki sia pun bukan kuat lagi. Dia kluar juga pigi, sampai telupa tungkat dia. Kira mo panggil bumba. Sebab sia slalu nampak di TV tu derang panggil bumba kah, rela kah kalau jumpa bewak besar ka, Lopung kah. Tapi kana marah lai. Last-las pi panggil jiran kami. dia datang bawa skup. Uiks barani bah gaya dia. Aki sia pigi tarik tu lopung, pi kasih luar. Panjang juga lah. kalau sia nda silap adalah dalam 8, 9 kaki gitu. (Sia tambirang si Dave, bilang 12 kaki) Sia kasi tau derang (aki sia sama tu jiran, c Idwin) jan lu kasi mati tu lopung. Sia pigi cari karung lu. Baru sia masuk sudah sia dengar bunyi macam kana pukul. Adeh... derang pigi kasi mati juga. Maybe kerana itu anak anjing sama tu kusing smua berkeluar di rumah. Lagi pun aki sia bukan kuat lagi, c Idwin pun penakut jugak. Skali tinguk, uda no-dead, biarpun masih beguyang. Derang bilang tu Lopung lambat mo mati tu, tapi kalau kana point of dead dia, skjp jak tu. Tamatlah riwayat tu Lopung.

Adalah satu ikur ayam betina (salah satu bini tu ayam jantan kali) yang menjadi mangsa si Lopung. Ahaks... KAna jual gia tu lopung sana tamu. Ngam ngam ari lima... Ahaks.. Bah tamatlah crita nie...

KaDuS Bilang:
Tidak heran kalau tu lopung buli pigi sana reban ayam. Sebab ada semak samun, bekas kabun bah di belakang tu reban. Bukan nda mo kasih bersih but sa pernah encounter itu ular cobra kici. Fobia lah... Akun kali sia kasi gaji urang nie. Apapun nasihat sia kalau buli, kasih pasanglah belerang di kawasan reban ayam tu. Nda juga mahal tu. Untuk keselamatan gia... ahaks...

Bookmark the permalink.

4 Responses to Tetamu tidak diundang di kandang ayam sia...

F!oNa said...

Holla marc...

dei..beli kama belirang kio.Kin keselamatan juga tu.Kc ambur/tabur disekeliling kandang.

miahaha,tusin ii be kii? barapa la kana juag tu lopung?

Apa daa ko buat tu lopung seandainya bulum no-dead marc?

hehe......

Markie Marc said...

kalau belum mati? sia jual idup² lah... sian juga sia tinguk mati... biarpun dia uda membunuh... urang bilang lopung ni skijap jinak gia... tapi nda tau lah...

ciaoflocy said...

mangkali ayam ko sud api makan anak2 lopung bah... muahahha.. nature bai tu kan. Yang penting yg manusia tu teda apa2 lah. Tapi kalau sia tidak lah sia brani p kacau. Tapi kasian juga tu ayam.
Kalau ada cobra lagi dahsyat. Kasi pindah lah bah ko punya kandang.. kalau tidak jgn lagi piara ayam. Kasian bah.

sumandak said...

cis... rupanya ko tambirang sia pula... 12 kaki... tandang ko nanti...