Sakit Leher

Lama nda update... wekekeke.. World Cup pun abis uda, tapi bahang dia masih ada. nantilah sia crita asal world cup nie... Blum pun sia sempat mo kasi ilang sia pinya sakit lutut, akculi luka tym main futsal tu ari, lihir sia lagi sakit. wakaaka... apa nda kemarin setelah sekian lama sia nda sentuh bula takraw, tiba-tiba datang betul mood mo men, sia pigi lah di balai raya di kampung. Siuk bah bila sia tinguk derang men takraw petang-petang sampai malam. Jadi sia pigilah kunu cari kasut sia yang lama-lama, berhabuk gia. Dengan konfidennya sia pigi jogging sampai balairaya. sekali tinguk teda urang. adeh, minum dulu lah... oh ya balai raya kami ada Cafe... weekekeke... nda lama, kawan sia si Boy Vana datang sama anak dia. then, pandai ramai. bah yang best dia ni, kalau ko datang awal mimang komform ko main duluan. Ahaks...

Bila uda cukup dua team, kami start lah men. masa ,men tu silap sia ialah sia nda stretching sebelum beraksi. Takraw ni banyak heading, jugak. Heading bukan kekuatan sia, even kalau men bula pun, tapi kalau men tajraw teapksa mo kasi kuat. kebanyakan sia jeading lah. kepala kompom luka pinya... dakat jam 8.00 malam uda sia pulang. Sampai uma, sia rest kejap, trus sia rasa masa sakit jak leher sa... Malam sikit, dakat jam 10mlm, melampau-lampau uda sakit dia... adui. Yang tengah malam uda lagi teruk, sia nda dapat pusing leher sia. sakit gila... tadi pagi, dush, barulah... balik-balik sia tebangun, asal tukar posisi kepala, or asal terputar-putar kepala sia, mimnag sakit. dui. Sekarang ni teda ayat menoleh balau sia... pusing terus satu bdan. kalau mo tinguk kiri or kanan. ahaks... Masih sakit lah...

So, len kali, kalau mo pi bersukan, pastikan streching dulu. jan trus men gasak jak mo men. Especially kepada mereka yang uda berkurun tidak turun beraksi. Sekian Terima Kasih!!!

Bookmark the permalink.

13 Responses to Sakit Leher

F!oNa said...

marc ko nie ahh... jjal tul baa,
siap kc nasihat urang lai tu.. na ingat mo ejes2 lu tu kapala baru p men..

silap aribulan, ko buat kes maciam c jidan nie tau hehehe.. tapi nie bukan tanduk urang.. tanduk bula raga hehehe...

ya lor... jajal pinya pasal.. p kama minta urut.. paling² satu kali sija c mandak urut tu hehehe :) ,cian juga c dadi sihnchan nie tau...

tampasak said...

tu lah ...lain kali stretching dulu ba...sa suruh sis p kaC pulas telinga ko tu....karas kapala...hehehhe

Markie Marc said...

wakkakaka... gatal tangan dan kaki nampak bula takraw bah. udalah lama nda men bula... paling-paling pun futsal, tulah tekana luka di kaki... wakakakaka...

sinchan pinya aura juga lah sia pakai untuk men,... kalau nda, nda juga dapat bertahan dari jam 6 sampai jam 8 malam. wakakakakaka...

F!oNa said...

sampai 3 jam? na tula apa nda teborilit tu urat di lihir :) hehe ko nie aah :)tul2 jajal owh!!!

Markie Marc said...

bah, macam mana jugak kalau menang saja. dui. kami menang pun pasal servis, bukan pasal skill... wekekekeke... nga mimang sioklah. sia men apit, kdg² jadi killer. jadi banyak pakai kepala, abis sia tinggi... wekekekeke. Selalu tunggu di dekat net!

F!oNa said...

adeh.. nasip ko tia pakai tandukan jidan ko sama team lawan yang dekat net tu hehehe.... marc baa.. campen ba pula ko tu kan?
keke :P .. buat lai banyak kali aah.....

Marc M said...

cis... campen apa... kalau tandukan tu padu macam jidan, siuk juga. tajam menjunam kunu... ni macam mendatar jak... bikin panas.. .wakakakaka

sumandak said...

kasi lagi tinguk sama sia tu bekas luka di kapala ko kie... gerenti sia pigi TAKAN tu... paduli sakit... wakakakakaka... kasitau lagi leher ko sakit ah, datang saja jajal sia... mimang kana men-men tu leher ko... padulilah depan si gracy...

wahahahhahahaha... sekarang apa lagi sakit ko?

Markie Marc said...

mata... mata sia mira, padih, padas gatal... macam mana tu ah???

tampasak said...

nah nah...habis la ko kalau si sis punya jajal sudah datang

F!oNa said...

maciam tu lai tu kalau suda sayang.. marc jaga la mo sana hehehe....

Anonymous said...

same lar... sekian lama saya inda ikut jiran2 main bola d padang. tiba2 saya pigi join without scrething.... time mo tidur... SADAP ohh atas bawah kiri kanan...

flanegan said...

same lar... sekian lama saya inda ikut jiran2 main bola d padang. tiba2 saya pigi join without scrething.... time mo tidur... SADAP ohh atas bawah kiri kanan...